岩岩先感覺到,原來等o既過程係會覺得咁漫長............

頭先等o個陣,突然好想同你講好多好多野...其實...雖然都係一d無關痛癢o既事,

不過唔知點解想講下俾你聽,想講好多野俾你聽.

不過,等左咁耐o既一個電話,1分鐘都唔夠就收左線lu...

其實都冇乜野o既,不過收左線o個一刻真係有d失落,

我都唔知點解自己會有呢種感覺,其實我feel到d眼淚有少少out of control,

最後我都control到.

不過收左線之後自己o係度發呆左一陣,不過我明白ge=)o個一刻你唔方便,我冇事!

今日唔知點解好多朋友打俾我又好,msn又好,

都問我同哥哥點解可以成日都唔駛見?

我講笑咁答朋友話其實我同哥哥係"神交"

咁其實都唔係唔想見,不過大家都冇時間,時間就唔到,

就到咪見囉,都冇辦法ga>.<

另一個朋友又問:"咦~你o係男朋友度呀?"

我答:"唔係呀,閒日我基本上唔會去佢度ga"

朋友:"下...點會有分閒唔閒日ga?"

我:"唔係...咁平時我地都要返工啦,咁咪唔見囉"

朋友:"嘩...你唔驚咩?因住佢識左第2個呀.唔要你"

我:".................唔係驚同唔驚ge問題.....咁...如果佢真係要識第2個,唔要我,

咁...我都冇辦法啦,如果我盡左力都係要發生,咁可能係整定啦............"

朋友:"你變左!"

我:"我冇呀,,我都係cherry呀!"

靜左一陣

朋友突然感觸咁講左一番說話:"你以前唔會咁講,你會有期望,點解突然變得冇左?

你o係我心目中,係一個弱質女流,好容易受傷害,成日俾人蝦又唔出聲,你太軟弱喇!你要堅強d"

我冇答朋友,就收左線,

其實你都太唔了解我,其實o係需要o既時候,我係可以變得好堅強,好硬淨ga,我唔可以話我依家對愛情冇左期望,

人大了,我只係覺得,唔係你想,你就可以做得到,

只係覺得所有野都唔好諗得太遠,呢一刻開心過就已經好好

今日唔知聽日事,一日都會有好大變化,

我只想每一天都好好地過

我仍然會努力去生存,努力去愛我哥哥,疼錫我ge家家

愛‧哥哥之我們的故事

每星期總是期盼著星期六的來臨,因為可以見到哥哥=]

雖然我們每次見面的時間總是很少,可能只是一個一起睡覺的時間,

但我卻很珍惜有哥哥擁抱著的這短短幾個小時,實在令我感覺溫暖和置身幸福當中.

其實我好喜歡向你撒嬌=]

有過去的我,年少時候曾經跟和我年齡相約的人一起,試過跟比我年紀少的人在一起,

也試過跟一個比我年長十二年的人在一起,

前所未有這樣喜歡和渴望被一個人擁抱著,有如此溫暖的感覺,

其實那種感覺好難形容,就好像被一些東西緊緊的包圍著...

是我從未感受過的,我找到了.

時間飛逝,原來我們一起已經3個多月了,

感覺還好像最近才一起的,但原來已過了幾個月.

原來兩個人的相遇真的很奇妙,如果要走在一起,無論時間相隔了,原來還是會相遇

我們相識在2007年7月13日一個朋友的婚禮,那天雖然是我們的第一次見面,

但早在這天前已從朋友口中提及這位人兄,

因為朋友早在年前已說好想介紹這位人兄給我認識,

(心想:咁老套,搞相睇=.=)

但當時只草草答應朋友的好意,

當時的我根本沒有想這些事,那時雖然我已經放下很多過去的事,但卻仍然活在陰霾當中...

朋友婚禮之後的幾個月後我們又見過一次面,

那次實在想殺了我的那對夫妻朋友=.=

在他們的佈局下,我跟同行友人跟人兄見面,

那次實在覺得尷尬,因為我跟同行友人都不懂去車站,於是朋友就叫人兄帶我們倆到車站,

人兄在單獨帶我去車站途中跟我說了令我好尷的幾句話...

其實當時我對人兄真的沒甚麼的,可是被夫妻朋友弄得超級尷尬...

記得那次人兄跟同行友人不停的聊天,我還覺得人兄如果要喜歡都是喜歡同行友人比較多呢...

那次之後我們沒有再見面了,也沒有尷尬事情再發生

又事隔一年了,我們再次因為夫妻朋友的寶貝1歲生日見面了,

那天我們沒有說過半句話,

只是遲來生日會的我,從入口處跟人兄對望了一下,

那一下對望純粹只是大家認出大家而已,

事後夫妻朋友將生日會相片上載到FACEBOOK,

我在相片中留言了,過了幾分鐘,人兄ADD我,

我們就開始在fb,msn上閒聊,

事後發展到日日曖昧sms至傾電話至約會,

日日sms那段時期覺得好開心,我們可以一整日都在send,

都幾神經,可以一清早都凌晨我們都在send,

這位人兄,就是我愛的‧哥哥=]

**其實從來沒有看過自己閣上眼的樣子...原來眼睫毛真長得像假的一樣...都幾恐怖...**

昨天跟arthur去德福睇"天煞撞正怪怪獸",本來想睇"禮儀c"的...不過應該已經落畫了...

結果就睇了怪怪獸...

一走上德福還有個序幕,見到前度男友,

又會這麼邪!在我穿格仔衫的一天竟然看見他...

其實我本身是看不見他的,我想應該只有他看見我,

上扶手電梯時,他一面搭著女朋友的胳膊,一面轉身看著我,結果我看到他,他又裝作沒有看見我!

這到底甚麼回事?都過這麼久了...都分開3年了...請大方一點!

現在大家都有大家的生活,我很幸福!

今朝發生左2件小小o既事,但我真係覺得好hurt...好hurt...其實個心覺得有d痛,好灰,

其實你係咪習慣左咁樣同人相處架呢?

其實你咁樣講野真係令到人覺得好hurt,唔想同你講野...

我唔知道同你講d咩你先覺得有意義,你至想聽,

我都唔想用d咁o既語氣對你,但我真係有d辛苦,我忍唔到,

其實情侶唔係應該閒話家常咩?你講o個句野真係令人覺得好冇癮,令我對住你更加唔知應該講d咩你先想聽...

有時o係度諗,你以前d女朋友會唔會都同我有同一樣o既感覺呢..?

越來越覺得我地之間隔左道橋,大家都只能夠企o係橋與橋兩側對望;只能夠望到對方o既軀殼,但睇唔到個內心,

雖然你死口唔講你以前拍拖係點o既,但其實我覺得你自己係知道呢個模式有d問題架喎...

只係你唔願意去改變呢個模式,想搵一個人去接受你呢一樣野啫...

我會俾一個時間自己,我當係我地之間一個適應期或者過渡期,

我當係我自己冇野做多時間諗埋一邊,當你返工辛苦冇時間...

總之,我當俾個時間自己又好,俾時間你又好...

我唔知你覺得我係咪咁重要,總之,我會好好咁諗下...

其實2個一齊都係為左開心,關心對方,愛護對方啫,

我唔想我地只係個軀殼o係埋一齊,而係要互相了解對方,

有時唔係話我特登去諗d問題出黎,只係有d問題如果一直都存在而唔去解決,

大家都會唔開心,我希望我地一齊去解決,去處理...

仲有...如果你真係決定左讀書o既就唔好再等喇...

好好咁為自己o既前途諗一諗啦=],我一定會支持你架!

係就係會辛苦d,但最後係會有成果架嘛=],無論幾辛苦我都會默默咁為你打氣!你要努力加油呀!

**我們的甜蜜回憶=)

**我諗我之後會keep返打呢個blog,有時對住你真係有好多野講唔出口,

希望以後開心唔開心我都會繼續o係呢度記住...

因為打晒出黎,個心會舒服好多...

唔知點解.近排真係覺得好唔開心...

同佢講...佢永遠都係覺得我亂諗...覺得我煩...

其實我唔係咁變態,變態到想佢分分秒秒都陪住我,識我o既人都知我唔係咁o既女仔...

但起碼可唔可以俾我感覺到我o既存在?

好似琴日咁..我真係覺得自己o既存在好多餘...

明知自己5點約左人,但我真係覺得佢冇諗過要早d起身陪下我或者點,

你知唔知你咁樣真係好冇情趣呀?????

我覺得每次見面,我都只係陪佢訓覺,其實咁樣...個感覺真係好差...

覺得自己唔似佢女朋友,我唔需要佢成日同我講"我愛你"或者甜言蜜語,

但只要我感覺到你心裡面有我,就足夠,但,我真係感覺唔到...

愛情係相向o既,如果只有一方付出,付出的一方其實會感到好辛苦...

我知道佢返工好攰,有時仲要去舉鐵,更加攰,我都知...我知呢個係佢o既興趣,佢o既目標,我接受!

有時難得一日假,想訓耐d,我都接受!

係咪就係因為我係咁容易話為,所以冇左我自己?唔通我應該好似有d女仔咁要任性一d,

唔鐘意就亂發脾氣去虐待男朋友?但我又做唔出...我覺得2個人相處並唔係咁樣...

有時我覺得好冇趣...好似我做親d咩佢都覺得好無謂!

有時講d野...佢都會好直接咁bang我,咁情侶唔係咩都會講咩..?

就係因為我覺得佢無興趣聽我講野,而且我講左佢又覺得無聊,所以我..真係覺得好唔開心,好沒趣~

有時我同佢講我唔開心,佢叫我講點解,有時真係唔知點樣去表達or點樣具體咁說明,

因為有時係有一個moment o既感覺覺得唔好,感覺...真係好難形容架...

講真...女人係咁架啦...個個女人都天生就多野諗,

就算他朝一日我地真係要分手,只要你一日鐘意o既係女人,都會有呢個問題,除非你唔鐘意女人o既啫~~

女人要o既都係想自己個男朋友錫自己,關心自己多d啫...起碼俾我感受到吖...得唔得呀?!!!!

有時我真係好想好癲咁去發一次狠狠地o既脾氣,

但唔知點解近幾年d脾氣都收歛左,一對住男朋友就發唔出呢d小姐脾氣...

唔知呀...可能冇做野,個人真係好多時間去諗野,

我承認冇做野呢一個月我o既情緒都有變,變得多野諗左,

但係你,又有冇用心咁去了解過我呢...?

後記**

其實我知道你係一個好人,我知道你係一個可靠o既人,

o個日聽到你話你對我o既愛係"細水長流",唔會轉個頭就唔鐘意我,

其實我個心好甜,

你講得好認真,但我笑你...

係因為我從來未聽過你講呢d說話,我希望你講o個一番說話係真o既,

我會好好咁努力,但我希望我地係2個人一齊去努力,可以嗎?